04.08.2021 |
Viure als Pirineus

MIEI AMBIENT

Es Agents de Miei Ambient deth Conselh Generau realizaràn quauqui servicis damb bicicletes electriques

The Secret Spot de Vielha cedirà dues e-bikes as Agents de Miei Ambient deth Conselh Generau d’Aran pendent diuèrsi dies enes mesi de junhsèga e agost
Agents Miei Ambient Aran 2
The Secret Spot de Vielha cedirà dues e-bikes as Agents de Miei Ambient /CGA
Es Agents de Miei Ambient deth Conselh Generau realizaràn quauqui servicis damb bicicletes electriques

Es Agents de Miei Ambient deth Conselh Generau d’Aran realizaràn, pendent diferents dies des mesi de junhsèga e agost, quauqui servicis damb bicicletes electriques o e-bikes.

“Volem arregraïr ara botiga The Secret Spot de Vielha qu’age auut aguesta iniciativa e que mos cedisque dues bicicletes entàs nòsti Agents de Miei Ambient”, asseguraue eth conselhèr de Territòri, Paisatge e Gestion Ambientau, Francés Bruna, en tot híger: “aprofitaram aguest miei de transpòrt entàs servicis enes airaus mès transitadi pendent junhsèga e agost, coma era Bassa d’Oles, era Artiga de Lin o Tuca, en tot facilitar er accès des Agents e disminuir eth nombre de veïculs en aguesti airaus”.

Agents Miei Ambient Aran 1

Pendent aguesti servicis se realizaràn contròls de fauna e pesca, contròls d’accés motorizat, acampades, barbacòes, pròves esportives e d’auti.

Es Agents de Miei Ambient deth Conselh Generau realizaràn quauqui servicis damb bicicletes electriques
Comentarios