21.06.2021 |
Viure als Pirineus

INSTITUCIONS

Era sindica d’Aran demane ua amassada damb era presidenta deth Parlament de Catalunya

Tanben s’a adreçat as grops parlamentaris d’aguesta cramba entà iniciar ua ronda de contactes damb es representants politics de Catalunya.
Síndica d'Aran Maria Vergés
Era sindica d’Aran, Maria Vergés / CGA
Era sindica d’Aran demane ua amassada damb era presidenta deth Parlament de Catalunya

Eth passat deluns, 3 de mai, era sindica d’Aran, Maria Vergés, sollicitèc per escrit ara presidenta deth Parlament de Catalunya, Laura Borràs, ua amassada entà tractar ahèrs de importància entà Aran e tath sòn autogovèrn.

“Er an passat, per prumèr viatge dera aprovacion dera Lei de Regim Especiau d’Aran ençà, eth sindic d’Aran amièc a tèrme era compareishença annau qu’establís er article 80 d’aguesta Lei, e que servís entà expausar era situacion e es problematiques que patís eth nòste territòri, atau coma es nòsti rèptes de futur”, explicaue era sindica d’Aran, en tot híger que: “pr’amor dera importància qu’a entà Aran e entath Conselh Generau d’Aran aguest hèt, è demanat ara presidenta deth Parlament poder agendar aguesta compareishença en finalizar er ostiu”.

Conselh Generau d'Aran

Damb aguesta amassada, eth govèrn aranés vò tractar sus era relacion dera maxima institucion aranesa damb era cramba catalana e, en aguest sens, en destaque era volontat deth Conselh Generau d’Aran de participar en aqueres iniciatives legislatives qu’afècten ath nòste territòri, atau e coma dispòse er article 94.4 der Estatut d’Autonomia de Catalunya.

Ath madeish temps, era sindica tanben s’a dirigit as grops parlamentaris entà expausar-les tanben personauments es besonhs e rèptes qu’encare Aran en diuèrsi airaus, e demanar eth sòn supòrt e compromís damb eth nòste terriòri e eth nòste autogovèrn.

Era sindica d’Aran demane ua amassada damb era presidenta deth Parlament de Catalunya
Comentarios