Cossent damb era dinamica de negociacion iniciada damb era equipa dera conselheria d’Interior dera Generalitat, aué dimèrcles s’a mantengut ua reünion dera comission negociadora presidida peth sindic d’Aran, Carlos Barrera e eth secretari generau deth departament d’Interior, Brauli Duart, entà analisar era prepausa hèta peth departament basada ena documentacion e analisis aportades peth Conselh Generau d’Aran sus eth modèl de Servici Integrau de Gestion des Emergéncies d’Aran.
Arraïtz des declaracions hètes peth secretari generau d’Interior Brauli Duart eth dia de Santa Barbara, patrona des Pompièrs d’Aran, era reünion d’aué a servit tà entrar en detalh dera analisi des prepauses en tot tractar aspèctes importants d’aguest document e en tot fixar entath pròplèu dia 10 de gèr era dusau reünion en que se sajarà de barrar es aspèctes economics.
En tot finalizar era reünion, eth sindic d’Aran, Carlos Barrera, expliquèc qu’era implantacion deth nau modèl de Servici Integrau d’Emergéncies d’Aran preve eth sòn desplegament en 4 ans entà culminar damb era sua gestion integrau des d’Aran. Barrera, a ahijut qu’es aspèctes de coordinacion operativa deth servici se resolveràn damb protocòus signadi per es dues parts.
Eth sindic d’Aran, a anonciat qu’ei volontat dera comission negociadora arribar ar acòrd definitiu sus eth modèl de Servici Integrau de Gestion des Emergéncies d’Aran eth pròplèu mes de gèr.
