Er aupinista Òscar Cadiach visite era Val d’Aran

Òscar Cadiach ei un des 20 alpinistes de tot eth mon qu'an completat es 14×8.000 sense oxigèn

oscar_cadiach
photo_camera Oscar Cadiach ath coronar era cresta deth Broad Peak

Atau e coma prometec ath coronar era cresta deth Broad Peak, er aupinista tarragonin Òscar Cadiach visitarà era Val d’Aran eth pròplèu deluns 4 de seteme a on serà arrecebut peth sindic d’Aran, Carlos Barrera e pera conselhèra de Torisme, Anna Díaz. Ar arténher era cresta deth Broad Peak de 8.047 mètres, Cadiach, s’a convertit en prumèr catalan que corone es catorze ueit mils sense oxigèn. Cadiach, que compdèc damb eth supòrt de Torisme Val d’Aran en aguesta expedicion que li a permetut hèr istòria laguens der aupinisme catalan e mondiau, assegurèc que ua des prumères causes que harie ath tornar a casa serie visitar era Val d’Aran e era sedença deth Conselh Generau d’Aran, en arregraïment ath supòrt arrecebut entà completar era pujada deth darrèr ueit mil. Òscar Cadiach ei un des 20 alpinistes de tot eth mon qu'an completat es 14×8.000 sense oxigèn.

Er acte de reconeishement ar aupinista, ath que tanben assistiràn es membres deth conselh tecnic de Torisme Val d’Aran, debanarà ena Sala de Premsa deth Conselh Generau d’Aran, eth dimars 4 de seteme tas 12 ores. Pendent er acte se visualizaràn fotografies des 14 pujades as 8.000 e se poderà veir eth vidèo enregistrat dera arribada ena cresta deth Broad Peak eth passat 27 de junhsèga.