Cors sus es aigües termaus des Pirinèus ena Aubèrja Era Garona

Er objectiu principau deth cors ei presentar es concèptes e es estruments entà estudiar er origen, eth foncionament e es aplicacions ludiques e terapeutiques des aigües termaus e mineromedicinaus.

eragarona
photo_camera Aubèrja Era Garona

Era Universitat de Lhèida en collaboracion damb eth Conselh Generau d’Aran, era Deputacion de Lhèida e er Institut d’Estudis ilerdencs, organize deth 24 ath 28 de junhsèga ena aubèrja Era Garona de Salardú eth cors “Es aigües termaus e mineromedicinaus des Pirenèus centraus: aplicacions terapeutiques”.

image004

Er objectiu principau deth cors ei presentar es concèptes e es estruments entà estudiar er origen, eth foncionament e es aplicacions ludiques e terapeutiques des aigües termaus e mineromedicinaus. Se descriueràn es procèssi qu'intervien en origen e ena composicion fisicoquimica des aigües termaus e mineromedicinaus, atau coma era sua explotacion avienta entà assegurar en temps era preservacion deth recors e era constància des caracteristiques fisicoquimiques.

Eth cors s’adrece a estudiantes e professionaus de disciplines naturalistes, d’engenharia, de gestion de recorsi naturaus, d’aplicacions terapeutiques des aigües termaus e mineromedicinaus, gestors toristics e ambientaus, gestors de balnearis e spa, fisioteràpia, Trabalh Sociau e Infermeria, e a toti aqueri que vòlen gaudir dera natura.

Entre es activitats deth cors i aurà ua visita as balnearis de Les, Arties e Tredòs, atau coma en origen e foncionament deth sistèma hidrotermal, caracteristiques des sues aigües e aplicacions terapeutiques.

Era matricula se pòt formalizar de forma presenciau en burèu dera Universitat d’Estiu Campus de Cappont. Bastissa Polivalenta C/Jaume II, 71. Planta baisha 25001 Lhèida. Per Telefòn 973 70 33 90, o per corrèu electronic: [email protected] en tot enviar eth document de matricula disponibla en http://estiu.udl.cat