21.06.2021 |
Viure als Pirineus

PARTITS POLÍTICS

Convergéncia Aranesa demane ara CHE que revise eth cas dera eslurrassada de Varradòs deth 2020

Era formacion a sollicitat ara CHE qu'investigue s'era infrastructura se trobaue en un bon estat de mantenença e indague sus es possibles causes d'aguest succés.
Varradòs
Eslurrassada de Varradòs / convergencia-aranesa.org
Convergéncia Aranesa demane ara CHE que revise eth cas dera eslurrassada de Varradòs deth 2020

Eth partit aranés de Convergéncia Aranesa a enviat ua carta ara presidenta dera Confederacion Hidrografica der Ebre, Maria Dolores Pascual Vallés, entà qu'age coneishement dera situacion que se produsic eth 12 de junh de 2020 damb era destruccion dera totalitat deth canau de descarga deth saut de Varradòs, ena Val d’Aran.

Aguest hèt, ocasionèc grani damatges estructuraus ena installacion d'Endesa, atau coma naturaus en ecosistèma aranés. Ei per açò que, aguesta formacion, a sollicitat formauments ara CHE qu'investigue s'era infrastructura se trobaue en un bon estat de mantenença e indague sus es possibles causes d'aguest succés. Ath delà, tanben demane, que se li reclame a Endesa a on acabarà tot eth materiau que s’a de retirar dera zòna afectada.

Convergéncia Aranesa non cre convenient qu'era Confederacion Hidrografica der Ebre coma autoritat dera conca deth Garona, autorize laguens deth domini public idraulic, modificar mejançant era translocacion e depòsit, era còta e er estat naturau d'aguesti escassi prats de ribèra.

Eth partit aranés encara demore era resolucion dera demanda que interpausèc a Endesa sus er incident dera ribèra de Valarties en an 2018 que tanben causèc grani damatges ena zòna.

Convergéncia Aranesa demane ara CHE que revise eth cas dera eslurrassada de Varradòs deth 2020
Comentarios