MUNICIPIS

Comencen es òbres de melhora en parc de Pompièrs de Bossòst

En totau, en aguest projècte de melhora s’invertiràn 56.000 euròs.
Pompièrs de Bossòst
photo_camera Parc de Pompièrs de Bossòst / CGA

Eth passat mes de hereuèr, eth Conselh Generau d’Aran aprovèc es projèctes  de melhora des parcs de Pompièrs de Les e de Bossòst, qu’an de besonh ua sèrie d’actuacions entà aumentar era foncionalitat des espacis e garantir era seguretat e benèster deth còs de Pompièrs en aguesti parcs.

Es òbres en parc de Bossòst dejà s’an iniciat, en tot començar a retirar eth losat actuau, que serà substituït per un de nau. Ath delà, s’amiarà a tèrme tanben era impermeabilizacion e renauiment deth paviment des terrasses. En totau, en aguest projècte de melhora s’invertiràn 56.000 euròs.

Eth Conselh Generau d’Aran amiarà en aguest parc de Pompièrs e tanben en de Les ua sèria d’actuacions de besonh entà melhorar era foncionalitat des espacis e garantir era seguretat e eth benèster deth còs de Pompièrs

D’un aute costat, s’a d’amiar a tèrme tanben eth projècte de melhora dera foncionalitat deth Parc de Les, dotat d’un pressupòst de 72.000 euròs, e que contemple era reparacion e repintat dera façada extèrna dera bastissa, era substitucion dera installacion electrica e er enlumenat interior, e era adequacion der humarau, a on tanben se bastirà un nau banh e s’installaràn radiadiors.

Aguesti projèctes an estat finançats laguens deth Pla Únic d’Obres i Serveis de Catalunya (PUOSC) 2020-2024 dera Generalitat de Catalunya.