En tot seguir eth plan de vacunacion gestionat peth departament de Salut dera Generalitat de Catalunya, dejà s’auie iniciat era campanha de vacunacion contra era COVID-19 as persones d’entre 60 e 65 ans deth territòri, mès degut a un retard ena entrega des dòsis d’AstraZeneca/Oxford en Catalunya, aguesta campanha se veirà retardada tanben ena Val d’Aran.
Aguest contratemps non afècte as persones que dejà auien demanat era sua cita entà vacunar-se ena Val d’Aran, mès òc qu’afectarà a aqueres qu’encara non auessen podut demanar ora a trauès der aplicatiu abilitat pera Generalitat de Catalunya entà demanar cita prèvia.
En cas des persones convocades via SMS peth Departament de Salut entà vacunar-se, cau alertar que pr’amor d’un error en aplicatiu, i a moments enes quaus non apareish era Val d’Aran entre es centres de vacunacion. En cas que se dongue aguesta circonstància, non ei de besonh seleccionar cap centre que supause un desplaçament dehòra dera Val d’Aran entà recéber era vacuna, senon que se pòt tornar a sajar en un aute momento enquia que gesque eth Centre Antara de Vielha (C/Arnals, 7), centre cedit per Ajuntament de Vielha e Mijaran entà amiar a tèrme era vacunacion.
