19.08.2019 |
Viure als Pirineus

HESTIVAU PYRENADES

9au edicion deth Hestivau Pyrenades deth 13 ath 20 d’abriu en Salardú

Hè ja nau ans qu’eth PyrenMuseu deth Refugi Rosta de Salardú organize aguest hestivau qu’apròpe eth pirineisme a toti es publics.

Era cantaira aranesa, Alidé Sans/facebook
Era cantaira aranesa, Alidé Sans/facebook
9au edicion deth Hestivau Pyrenades deth 13 ath 20 d’abriu en Salardú

Eth hestivau prepause un inici de Setmana Santa ath mès pur estil pirineista a compdar d’ua programacion variada d’activitats entà petiti e grani, a on non i manque era natura, era coneishença, eth cinèma de montanha, era musica, era descubèrta, era reflexion, er auviatge e es activitats ar aire liure. Hè ja nau ans qu’eth PyrenMuseu deth Refugi Rosta de Salardú organize aguest hestivau qu’apròpe eth pirineisme a toti es publics.

Hestivau Pyrenades

Eth pirineisme, ei eth movement de persones qu’en sègle XIX s’endintrèren enes Pirenèus motivades pera practica esportiua e era exploracion scientifica e umanista dera zòna. Damb un programa que combine toti aguesti elements, Pyrenades reinterprète eth sòn legat e lo hè viu aué en dia.

Conferéncies, excursions, talhèrs infantils, cinèma damb era IXau edicion dera Mòstra de Cinèma de Montanha 2019 e musica de montanha son es desparières activitats prepausades peth Hestivau Pyrenades.

Entre es activitats qu’en aguesta edicion aufrís eth hestivau destaquen eth Hestivau: A Boca de Net, sons d’Occitània. Damb Alidé Sans, cantaira aranesa e dera associacion Stereo Val Accion Culturau, e era presentacion deth nau projècte deth PyrenMuseu. Era conferéncia inaugurau “Identitat e auviatge”, er auviatge coma èish identitari des comunitats, a cargue de Daniel Vilarrubí, Licenciat en Istòria der Art, Musica anciana e archivística. Director der Archiu Comarcau de Pla d’Urgelh; e eth concèrt de Ribatònics. Musica Tradicionau en Passabars de Salardú.

En çò que tanh as conferéncies cau destacar, Qué mos diden es plantes deth cambi climatic? Eth projècte FloraPyr der Observatòri Pirenenc deth Cambi Climatic. Era sciéncia participativa, sciéncia entà gaudir. A cargue d’Angel Romo. Doctor en Biologia, Institut Botanic de Barcelona (IBB, CSIC-ICUB) e Sara Arjó. Licenciada en Biologia e “compartidora ambientau”.

Sons Occitania

ra 9au edicion dera Mòstra de Cinèma de Montanha compdarà damb era projeccion de pellicules coma: Maraton ETH GRAN CAPITAN – Escalada dera A ara Z en Yosemite; THIS MOUNTAIN LIFE; CHOICES; THE LORAX PROJECT; NO MAN’S LAND – EXPEDITION ANTARCTICA; FINDING THE LINE; EVOLUTION OF DREAMS; A LAND SHAPED BY WOMEN + debat sus era situacion der espòrt d’iuèrn femenin; e AGUESTES MONTANHES.

Era volontat de Pyrenades ei dinamizar Salardú e eth municipi de Naut Aran damb ua prepausa de qualitat que compde damb eth patrocini der Ajuntament de Naut Aran, eth supòrt deth Conselh Generau d’Aran, Foment Torisme Val d’Aran e era collaboracion de força entitats.

Tota era informacion sus es activitats deth Hestivau Pyrenades 2019 en http://www.pyrenades.es

Comentarios