Comence era pretemporada des equipes de fotbòl ena Val d’Aran

Dempús deth viatge en Indonesia e deth partit deuant era seleccion Sub-19, era plantilha der Espanyol B a iniciat era dusau etapa dera sua preparacion.

IMG_8769
photo_camera Els jugadors al Conselh Generau

Era Val d’Aran acuelherà un ostiu mès es "stages" de pretemporada d'equipes de fotbòl de naut nivèu, coma ei eth cas deth RCD Espanyol B e femenin; Lleida Esportiu e eth Toulouse FC.

Es prumèrs en arribar ara Val d’Aran aguest ostiu an estat es integrants dera equipa filiau deth RCD Espanyol, qu'an començat era preparacion dera sason aguest deluns 17 de juriòl enquiath dia 20. Mès tard serà eth torn deth Lleida Esportiu, que demorarà ena Val d’Aran des deth dimenge 23 de juriòl enquiath dia 28.

IMG_8744


Dempús deth viatge en Indonesia e deth partit deuant era seleccion Sub-19, era plantilha der Espanyol B a iniciat era dusau etapa dera sua preparacion. Era equipa qu'entrene David Gallego serà concentrat ena Val d’Aran enquiath pròplèu diuendres 21 de juriòl.

Era equipa siguec arrecebuda ager en Conselh Generau d’Aran peth vicesindic, Luís Carlos Medina, que destaquèc era fidelitat deth RCD Espanyol damb era Val d’Aran enes sòns stages de pretemporada. Eth vicesindic d’Aran, remerquèc qu'era preséncia d'equipes d'elèit de quinsevolh disciplina esportiua que sigue pendent era pretemporada ena Val d’Aran ei ua campanha fòrça potenta de promocion.

Per d'auta part, eth Lleida Esportiu pendent eth sòn stage ena Val d’Aran disputarà dus partits amistosi en camp de fotbòl de Garòs (Naut Aran), a on s'afrontarà eth dia 26 de juriòl ath Club de Fotbòl Tremp e eth dia 28 a ua seleccion dera Val d'Aran.