Eth Conselh Generau d’Aran realize òbres de melhora ena glèisa dera Nòsta Senhora de Montgarri


Es òbres consistissen ena realizacion d'un drenatge perimetral e baish paviment damb era creacion d'un hargat sanitari.

IMG_1896
photo_camera Era Nòsta Senhora de Montgarri.

Eth Conselh Generau d’Aran amie a tèrme tota ua seria d'accions de reabilitacion e melhora ena glèisa dera Nòsta Senhora de Montgarri.

Es òbres consistissen ena realizacion d'un drenatge perimetral e baish paviment damb era creacion d'un hargat sanitari. Eth paviment que se plaçarà serà de husta ena zòna de bancs, e de pèira en rèste qu'ei era zòna de major afluéncia de persones. Tanben s'eliminarà era escala actuau d'accès ath còr dera glèisa, en tot deishar liberada era portalada romanica d'accès ena glèisa anteriora ara façada nòrd. En un futur se bastirà ua escala d'accès entara tor deth campanau.

Sense nom


Damb aguesta seria d'accions elements coma era batiadera, seràn reubicadi entà proporcionar ua melhor vision dera madeisha as visitants.

Eth renauiment deth paviment s'a realizat ath madeish temps damb era fin d'eliminar totes es barrères arquitectoniques possibles, en tot eliminar es gradons d'entrada e es gradons lateraus d'accès as capèles, en tot deishà'c tot ath madeish nivèu. Ath madeish temps s'amagaràn jos eth paviment toti es cables de megafonia e electricitat.