Comence era agropacion de ramats ena Val d’Aran

Aguesta ei ua accion promoiguda peth Conselh Generau d’Aran dempús d’hè 8 ans.

2017-05-15-PHOTO-00000017
photo_camera Agropacion de ramats ena Val d’Aran.

Eth Conselh Generau d’Aran a trauès dera conselheria d’Agricultura, Ramaderia e Miei naturau, amie a tèrme aguesti dies era agropacion de ramats ena Val d’Aran.

Aguesta ei ua accion promoiguda peth Conselh Generau d’Aran dempús d’hè 8 ans, que s’hè damb eth cargue tant deth transpòrt des oelhes, deth salari deth pastor, mantenença des pistes, atau coma dera mantenença des cabanes. Era fin dera agropacion de ramats ei minimizar es damatges que pòt causar enes ramats era fauna sauvatge, e en aguest cas protegir des possibles atacs der ors, es ramats de oelhes e crabes dera Val d’Aran.

Eth conselhèr d’Agricultura, Ramaderia e Miei naturau deth Conselh Generau d’Aran, José Enrique Arró, a explicat qu'ei previst que s’acorròpen apuprètz de 2.500 caps de bestiar, e qu'enguan i a un cambi d’ubicacion donques ua des agropacions s’hè en Casau e Gausac, entà minimizar encara mès eth perilh de possibles atacs.

Eth pròplèu 1 de junh s'amiarà a tèrme era agropacion de ramats en Naut Aran.