19:56h. Dilluns, 11 Desembre de 2017

Reünion deth Conselh Generau d’Aran e era Generalitat pes atacs der os Goiat

Enquiath passat dia 13 de junh eth departament d'Agricultura, Ramaderia e Medi Naturau deth Conselh Generau d’Aran auie comptabilizat er atac a 15 oelhes, un potro, dues cavales e dus brinhons d'abelhes.
 

Un os sortint de la furgoneta.
Un os sortint de la furgoneta.

Eth passat dia 13 de junh eth sindic d’Aran, Carlos Barrera, se metec en contacte damb eth director generau de Politiques Ambientaus e Medi Naturau dera Generalitat, Ferran Miralles, entà comunicar-li es afectacions produsides per os Goiat enes ramats dera Val d'Aran.

Enquiath passat dia 13 de junh eth departament d'Agricultura, Ramaderia e Medi Naturau deth Conselh Generau d’Aran auie comptabilizat er atac a 15 oelhes, un potro, dues cavales e dus brinhons d'abelhes.

Deuant aguesta situacion, eth sindic d’Aran, a demanat que se convòque ua reünion tecnica entà avalorar seriosaments es decisions deuant aguest comportament reincidente d'atacs contunhadi d'aguest exemplar, qu'an estat verificadi peth seguiment GPS que se hè der os Goiat.

Ena reünion, qu'ei prevista a inicis dera proplèu setmana s'analisarà tanben eth protocòu tecnic qu'eth programa Piros Life contemple en çò que tanh as mesures qu'an de prener-se deuant un comportament aversiu der os.

Eth sindic d’Aran, Carlos Barrera expliquèc qu'era prioritat deth Conselh Generau d’Aran ei que s'apliquen totes es mesures correctritzes de besonh entà redusir ath maximal futures incidéncies sus es ramats dera Val d’Aran e ahigec qu'a non èster per aguesti atacs contunhadi der os Goiat, auríem agut ua primauera sense incidents destacables.