01:36h. Dijous, 17 d'Agost de 2017

Nau atac der os Goiat a ua cavala ena Val d’Aran

Ager se constatèc un nau atac der os Goiat ena Val d’Aran.

Eth nau atac der os Goiat ena Val d’Aran.
Eth nau atac der os Goiat ena Val d’Aran.

En aguest cas se tracte d’un exemplar de cavala Soberanya de mès de 400Kg de pes, que siguec atacada ena ribèra de Varradós. Segontes an informat es responsables deth departament d’Agricultura, Ramaderia e Miei naturau deth Conselh Generau d’Aran, Goiat ei er os qu'a hèt toti es atacs detectadi enguan ena Val d’Aran, en tot includir-ne er atac a 11 oelhes e a dus nins d’abelhes en Bagergue, atau coma er atac a un popenc apròp deth nuclèu de Vilamòs a principis deth mes de mai.

Os Goiat 3

Er os Goiat siguec liberat en Palhars en marc deth programa Piroslife eth mes de junh deth 2016 e s’a pogut constatar era autoria des atacs mercés ath seguiment GPS que se realize d’aguest mascle liberat hè quasi un an.