09:00h. Diumenge, 24 Setembre de 2017

Musèus Val d’Aran presente es activitats d’ostiu 2017

Eth musèu a organizat fòrça activitats entà toti es publics pendent tota era temporada d’ostiu, deth 10 de junhsèga enquiath 10 de seteme.

Eth museu presente es activitats d’ostiu 2017.
Eth museu presente es activitats d’ostiu 2017.

Eth musèu a organizat fòrça activitats entà toti es publics pendent tota era temporada d’ostiu, deth 10 de junhsèga enquiath 10 de seteme. Es activitats consolidades son es visites guidades de deluns a dissabte as glèises dera Rota Romanica: Santa Maria d’Arties, Santa Maria de Cap d’Aran (Tredòs), Santa Eulària d’Unha, Sant Fèlix de Vilac, Sant Estèue de Betren, Sant Fèlix de Bagergue e Sant Pèir d’Escunhau. Es Musèus tanben daurissen es sues pòrtes toti es dies dera setmana. Se pòden visitar damb guidatge era Mina Victòria (de 11 enquiàs 15 ores), era Mòla de Salardú (peth maitin tàs 11, 12 e 13 ores), atau coma era Fabrica dera Lan en Vielha (tàs 17, 18 e 19 ores). Ath delà, eth Musèu dera Val d’Aran aufrirà visites guidades ara exposicion permanenta es deluns deth mes d’agost tàs 11:30 ores.

19390837_1480879295310073_1743288649923056297_o

Era nauetat mès remarcabla entad aguesta temporada son es visites teatralizades en Ecomusèu Çò de Joanchiquet. Auràn coma protagonista a Rufina Monge, un personatge reau que demoraue ena casa entre es sègles XVII e XVIII. A trauès d’aguest personatge, eth visitant poderà conéisher de prumèra man er auviatge tradicionau aranés, es costums dera epòca e es istòries qu’amague era casa.

19417258_1480879218643414_2710694865843012460_o

Es visites teatralizades s’amiaràn a tèrme es dies 26 de junhsèga, 9 e 23 d’agost e 6 de seteme. Cada un d’aguesti dies, s’aufriràn dues sessions: Tàs 13 ores, “Joanchiquet, tant de gust!” damb tematica gastronomica que culminarà damb un tastèt d’òlha aranesa entàs assistents, producte aufrit pera Marca de Garantia, gràcies ara collaboracion de Torisme Val d'Aran. Tàs 18 ores, “Vaishèra de plata, esquera de vaca”, ua passejada pera casa damb es istòries de Rufina.

Es entrades s’aquerissen per auança ena recepcion deth Musèu dera Val d’Aran e eth madeish dia en Ecomusèu çò de Joanchiquet de Vilamòs e auràn un prètz de 5€. Entath public familiar que volgue participar activaments des activitats deth Musèu tanben s’an premanit dus talhèrs: “Nhacs artistics” en Sant Joan d’Arties es diuendres 21 de junhsèga, 4 e 18 d’agost tàs 18 ores; e “Es secrets des plantes” en Ecomusèu Çò de Joanchiquet toti es dijaus enquiath 31 d’agost tàs 11:30 ores.