10:48h. Dijous, 21 Setembre de 2017

Exposicion “Elements arquitectonics d’Aran” en Sant Joan d’Arties

Inauguracion dera exposicion “Elements arquitectonics d’Aran”, dijaus 31 entàs 19 ores en Sant Joan d’Arties

Exposicion “Elements arquitectonics d’Aran” en Sant Joan d’Arties
Exposicion “Elements arquitectonics d’Aran” en Sant Joan d’Arties

Exposicion de 156 fotografies que reflèxen aqueri elements que tamb eth pas deth temps an perdurat: construccions encaishades e adaptades ath territòri, cases fòrtes, es bòrdes, es corraus, es pòrtes, es lucanes, ... en tot tier era pèira e era husta coma materiau, tant caracteristic.

Recorrut per toti es pòbles d’Aran en tot sajar de subergésser bèth element dera arquitectura d’estil conservador e antic. Cau enténer era arquitectura com er art de bastir segontes es besonhs umans e es materiaus a disposicion.

Era Fondacion Privada deth Musèu Etnologic dera Val d’Aran, preten tamb aguesta exposicion difóner ua eréncia recebuda des nòsti auantpassats e deishar-ne constància entà generacions futures.

Un cop mès, eth Musèu dera Val d’Aran collabòre damb era Fondacion Privada deth Musèu Etnologic dera Val d’Aran damb era cession de diuerses òbres deth sòn hòns, entre es quaus destaquen dues cuiroses lantèrnes.

Era exposicion se poderà visitar a compdar deth dia 1 de seteme enquiath 14 d’octobre de 2017 ena glèisa de Sant Joan d’Arties, sala d’exposicions temporaus deth Musèu, de deluns a dissabte de 17 enquias 20 ores.