09:43h. Dimecres, 20 Setembre de 2017

Mès de 700 participaires ena Trail Vielha-Molières

Eth pròplèu dissabte 15 de juriòl se celebrarà era prumèra edicion dera Trail Vielha-Molières 3010, damb dus recorreguts: ua maraton de 40 km e 4.000 de desnivèu positiu; e ua mieja maraton de 21 km e 1.600 mètros de desnivèu.

Trail Vielha-Molières 3010
Trail Vielha-Molières 3010

Eth pròplèu dissabte 15 de juriòl se celebrarà era prumèra edicion dera Trail Vielha-Molières 3010, damb dus recorreguts: ua maraton de 40 km e 4.000 de desnivèu positiu; e ua mieja maraton de 21 km e 1.600 mètros de desnivèu. Era Maraton corone eth Tuc de Molières, tet dera Val d’Aran, de 3010 mètros.

Quate cents corredors s'afrontaràn ara Maraton mès nauta, e probablaments mès dura, deth tot eth Pirenèu, pera relacion de desnivèu e km (1.000 mètros de desnivèu cada 10 km). Es inscripcions entà participar ena Maraton s'agotèren hè 3 mesi, e es dera Mieja Maraton hè un mes. Ena pròva particiaràn corredors de naut nivèu, coma Gemma Arenas (Campiona d'Espanha de Trail 2017), Marc Pinsach, Toti Bes, Antonio Alcalde e Maria Beringues entre d'auti. Es participaires provien de tota Espanha e de 5 païsi diuèrsi. Mès de 60 volontaris sajaràn qu'es pròves se desvolòpen damb es garanties de seguretat de besonh. Mès de 7.000 litres de liquids seràn transportadi en elicoptèr ena montanha coma part des avituallaments des corredors.

Era gessuda dera Maraton se realizarà ena Plaça dera Glèisa de Vielha entàs 6:30 deth maitin, e entàs 9:00 era dera Mieja Maraton. Se demore qu'eth prumèr corredor dera Maraton arribe ena madeisha plaça de Vielha dempús de 7 ores ena montanha, çò que demòstre era duretat dera pròva. Era Trail Vielha-Molières ei organizada peth Centre Trail Val d’Aran, eth Club Excursionista d’Aran e er Ajuntament de Vielha. Compde damb era collaboracion deth Conselh Generau d’Aran, Torisme Val d’Aran e es Volentaris Val d’Aran.

Barrament de carrèrs damb motiu dera Trail Vielha – Molières 3010

 13 de junhsèga:
- Plaça Coto Marzo
 14 de junhsèga:
- Plaça Coto Marzo
- Carrèr Sarriulèra

 15 de junhsèga:
*Pendent tot eth dia:
- Plaça Coto Marzo
- Carrèr Sarriulèra
- Plaça Espanha

De 6:10 ores a 6:40 ores e 8:40 ores a 9:10 ores: Avda. Castièro e Pas d’Arró enquia C/ Querimònia
De 6:25 ores a 6:40 ores e 8:55 ores a 9:10 ores: Rotonda tùnel de Vielha N-230

Activitats programades ena Plaça dera Glèisa:
6:30 ores Gessuda Maraton Vielha Molieres 3010
9:00 ores Gessuda Media Maraton Montpius
21:00 ores Entrega de prèmis