08:47h. Divendres, 20 d'Octubre de 2017

4au edicion dera Trail Carlac deth 16 ath 18 de junh de 2017

Eth Conselh Generau d’Aran, acuelhec era presentacion dera 4au edicion dera Trail Carlac 2017 que se celebrarà deth 16 ath 18 de junh, ena zòna de Quate Lòcs en Val d Aran.

Una foto de Trail Carlac.
Una foto de Trail Carlac.

Eth Conselh Generau d’Aran, acuelhec era presentacion dera 4au edicion dera Trail Carlac 2017 que se celebrarà deth 16 ath 18 de junh, ena zòna de Quate Lòcs en Val d Aran.

Era presentacion siguec a cargue dera conselhèra de Torisme d’Aran, Anna Díaz; acompanhada dera bailessa de Bausen, Veronique Fontan; Andreu Cortés, còsso der ajuntament De Les; e eth director dera Trail Carlac, Juli Sala.

Deth 16 ath 18 de junh aurà lòc era Trail Carlac, que non ei sonque ua carrèra, son cinc competicions en ua dimenjada que recorren es 4 municipis de Quate Lòcs, Les, Bausen, Canejan e Bossòst.

Era Val d’Aran ei ua zòna privilegiada peth sòn entorn naturau e era preservacion deth madeish. Trail Carlac ei organizat per ua equipa de persones que coneishen er airau e an escuelhut es recorreguts.

En aguest sens era conselhèra Anna Díaz, remerquèc era importància que "Era Val d’Aran destaque tanben damb prepauses que van mès ath delà d'un eveniment esportiu o ua carrèra de montanha, coma ei eth cas dera Trail Carlac, qu'a a veir tanben damb era promocion toristica, era natura, es montanhes, e evidentaments era activitat esportiua ".

Es recorreguts dera Trail Carlac son variadi damb diuèrses distàncies e desnivèus, damb 5 corses en tres dies:

CHALLENGE: 71km e 6190M D + (3 etapes)

DIUENDRES 16 JUNH 2017
SPRINT VERTICAU NOCTURN: 1'3Km e 290m D +. Recorregut cuert mès explosiu ena Còsta de Canejan.

DISSABTE 17 JUNH 2017
Montlude Skyrace: 26'3Km e 2460m D +. Recorregut explosiu damb 2 quilomètres verticaus entà començar, damb un tram aerian des deth Tuc des Neres (2247m) enquiath Montlude (2517m), ua baishada longa a on cau auer precaucion peth sòn anautit nivèu tecnic e pr'amor que demorarà ua darrèra pujada entà arribar en Canejan. Damb era fin d'arribar a Mèta calerà completar un tram fòrça rapid e “corrible”.
DIMENGE 18 JUNH 2017

MARATON Quate Lòcs: 43'3Km e 3440m D +. Recorregut fòrça complèt e "corrible", damb ua fòrta pujada e tornada entà Canejan, entà tornar a baishar a Pontaut e començar, a remontar mètros damb pòqui moments de descans enquia arribar ath Cap de Canaus (2196m) en tot passar peth Bòsc de Carlac. Seguir a un tram aerian mès corrible, en tot seguir es hites termierères per tota era Sèrra de Vacanera. Començaram era descenuda entà era pista de Samorera a on haram era darrèra pujada entà Espaliàs e hèr era baishada tà Les.

Bòsc de Carlac: Distància: 19'2Km e 1170m D +. Carrèra de mieja distància, damb dues fòrtes pujades (Bausen e Bòsc de Carlac). Recorregut fòrça diuèrs e fòrça corrible. Distància aconselhada entad aqueri participaires que s'inícien enes carrères de montanha. Tanben recorregut perfècte entad aqueri participaires damb un objectiu pròplèu de mès distància.

VILA DE LES: Distància: 9'4Km e 550m D +. Carrèra de caractèr popular, perfècte entad aqueri participaires que comencen a córrer o preferissen mès cuertes. Recorregut aconselhat entad aqueri que volguen participar en tot caminar o en tot hèr nordicwalking.

Era informacion complèta dera Trail Carlac 2017 en 👉 http://baishmonix.com/index.php/producte/trail-carlac-2017/